تعودت الصدق...الحلقة الأولي من سلسلة يوميات زهرة ... ادخلي يا قمورتي ومش هتندمي
كاتب الموضوع
رسالة
بنوته حلوة صغيرة
عدد المساهمات : 4 تاريخ التسجيل : 04/01/2012
موضوع: تعودت الصدق...الحلقة الأولي من سلسلة يوميات زهرة ... ادخلي يا قمورتي ومش هتندمي الأربعاء يناير 04, 2012 11:33 pm
النهاردة اول حلقة من يوميات زهرة وبطلتنا اليوم هي سلمي ، سلمي بنت جميلة عندها 10 سنوات في 5 ابتدائي بتحب المذاكرة واللعب في نفس الوقت ، الله ؟!!! ده انا كده طولت !يلا ندخل على حلقتنا على طول
سلمي كانت بتدور على بحث لمدرستها ، بس هي تعبت أوي في البحث وحبت تريح
سلمى : آه ! أنا تعبت أوي !! هريح شوية ، أنا هكلم حد على الفيس سلمى : هاي مريم :اهلا . ممكن تعرفيني بإسمك ؟ سلمي : هاي . انا هناء .... ازيك ؟ وانتي اسمك ايه ؟ مريم : انا اسمي مريم ، اتشرفت بمعرفتك يا هناء
أثناء هذه المحادثات دخلت الأم عشان تشوف بنتها ، بس اتصدمت لما شافت الي مكتوب
الأم : ايه ده يا سلمى ؟ سلمى : ماما!!! فيه ايه؟؟ الأم : اقفلي البتاع ده سلمى : معلشي يا ماما مش هينفع عشان انا بكلم حلا الأم : برضه هتكدبي تاني ؟ مش هي قايلة لك انها مريم ؟ سلمى : الأم : اقفلي البتاع ده وقومي سلمى : حاضر الأم :انتي كدبتي ليه وقلتي ان اسمك هناء ؟ مش انتي اسمك سلمي ولا ايه ؟ سلمي : أيوة بس كل صاحباتي بيعملوا كده عشان محدش يعرف اسمائهم الأم : وليه تبقي زيهم وحشة ؟ الأم : أيوة وحشة لأن الله يعاقب الكذاب سلمي : بعدها راحت سلمى على أوضتها وهي بتعيط ومغرقة نفسها من العياط ، لحد ما دخلت عليها مامتها
الأم : سلمى ، ما تزعليش ، بس متكرريهاش تاني سلمى : حاضر يا ماما
وحضنوا بعض وسلمى مسحت دموعها
سلمى : ماما الأم : نعم سلمى : هو ربنا سمح لبعض الناس انهم يكذبوا؟ الأم : أيوة يا سلمى ، بس بعض الناس ! سلمى : طب مين هما ؟ الأم : تعالي نسأل بابا
سلمى : بابا الأب : نعم يا سلمى سلمى : كنت عايزة اسألك سؤال الأب : اتفضلي يا سلمى سلمى : هي ايه الحالات الي يرخص فيها بالكذب ؟ الأب : سؤال جميل ، الحالات دي محدودة ، منها الكذب على الأعداء والصلح بين المتخاصمين سلمى : مش فاهمة حاجة الأم : أفهمك الكذب على الأعداء يعني الفدائي الي بيدافع عن وطنه مينفعش يقول لأعدائه على اسرار وطنه مصر سلمى : أها !!!! طب والصلح بين المتخاصمين ؟ الأب : يعني تحاولي تصلحي بين المتخاصمين مع بعض، يعني مثلا تروحي تقولي للأولى : دي عايزة تصالحك وزعلانة انك خاصمتيها وتروحي تقولي للتانية نفس الكلام وكده يروحوا يتأسفوا لبعض ويبقي انتي كسبتي ثواب سلمى : أها !!!! الحمد لله على نعمة الصدق ، فان الصدق ينجي صاحبه كما قال لنا الرسول صلى الله عليه وسلم ووصانا بيه الله سبحانه وتعالى سلمى : دلوقتي انا هروح اعتذر لمريم و أقولها الحقيقة
وبعدها راحت واعتذرت لمريم ومريم طلعت بنت طلعت بنت طيبة وتفهمت الوضع وسامحتها
وتوتة توتة خلصت الحدوتة ، حلوة ولا ملتوتة ؟؟
تعودت الصدق...الحلقة الأولي من سلسلة يوميات زهرة ... ادخلي يا قمورتي ومش هتندمي